سهرت اللیل بودادک وحییت@وکلت مرحبه بطارشکم وحییت@یمطرب طفت بالکعبه وحییت

اذا جایب حبیبی اویاک الیه

بجى الحالی کلمن سمع ونی@وصدک من کال یغرک الی مایونی@یاویلی سنین العوز وازنی ولونی

 وخلنی اترجه الی مابیهم رجیة

 حلو طبعک حبیبی من تعادی@حکمت قلبی قساوة وانتة عادی@تمنیتک حبیبی من تعادی

تعادی الناس الیوزونک علیة

بعـــید ولا جــنح عــندی وامرهم@وصرت خاضع لأمر الله وامرهم@البعد لابــد یــوم یخلص وامرهم

واعاتب کل محب ما ینشد علیة

وحق الی تعبده الناس وحده@حبک سلب منی الروح وحده@هذنی اثنین ونته اختار وحده

ترحل لو تضل محبوب الیه

حلف برکبتی علی العشق مندم@ولو حتی البواجی تصیر من دم@کلبی مو صخر یا ناس من دم

ویحبه شثکر ما یقسی علیه

عیونی علیک من البواجی یرحن@سجاجین ابصمیم احشای یرحن@اشکد طیبات للنذلین یرحن

غدیر ابصبخ ما ینشرب میه

انه قلبی من لهیب الشوق منطر@وتضل عینی على البیبان منطر@شفت خدک عبالی الفجر منطر

کمت صلیت من غصبن علیة

نار الکلب تلهب منه کبرة@واذا من نفسی ما ابرة منک ابرة؟@هاک الخیط منی ومنک ابرة

نخیط جروحنة ونلتم سویة