صفیت انه وحبیب الروح بالروح@ولوم الکلب من فرکاه والروح@دعیت الله یبدل روح بالروح

وخذ روحی ولا تزعل علیه

یحادی الضعن بالله علیک انی@لما یسمع شریج الروح انی@ارید اصبر واعلم الروح انی

امر من الصبر فرکاک الیه

سریتوا بالضعن یاترف هاوین@جفیتونی ولعند الغیر هاوین@هامیت یحلو الطول هاوین

حیاتی والنظر اقبالک علیه

جرعت من الصبر کاسات مره@ولاسنی ضحک للوکت مره@یالرایح للحبیب ارجوک مره

وخبره هوه بفرح وانی باذیه

اریداخبط مزیج الرمل والحر@وادور عل الصدیج الوفی والحر@نخیت الله وابوالحسنین والحر

یحفظ کل اخو یذکر اخیه

جمالک زاد عن یوسف وقبله@وحبک صار الی منبر وقبله@امر إعلى الصخر انی اقبله

لن گلبک صخر ما حن علیه

مره اصفن علیکم مره سایل@مره الدمع ناشف مره سایل@مره احتار شکتب من رسایل

مره انتظر ساعات المنیه

انه ابنی من الهموم هموم میات@وبات اللیل اعد النجم میات@شعددلک ذنب ذنبین میات

تره حبک صفه اکبر ذنب الیه

انت الشمس وانت البدر منهل@وشفافک طعم العســل منهل@گلبی بس إلک یاتــرف منهل

الورد من تمر یاخـذ لک تحیه

تظل نجمة یضی العین بسمای@ویظل اسمک حبیب العمر بسمای@ما یروی العطش بجفاک بسمای

العطش ترویه بوصالک علیه

هاک الکلب بیدک حیل طحنة@امس فوک النجوم والیوم طحنة@شبدینة وبالعشک یاناس طحنة

غشمة وکلوبنة تحب الاذیة